काठमाडौं– रसुवाको लेन्दे खोलामा आएको विनाशकारी बाढीले रसुवागढी क्षेत्र बगाएपछि उक्त स्थानमा शनिबार नेपालको राष्ट्रिय झण्डा पुनः स्थापना गरी फराइएको छ ।
उक्त झण्डा नेपाल–चीन सीमा क्षेत्रमा फराइएको हो । बाढीले सीमा क्षेत्रका भौतिक संरचनाका साथै सीमा स्तम्भहरूसमेत बगाएको छ । पछिल्लो तीन दिनदेखि निरन्तरको प्रयास र समन्वयपछि सशस्त्र प्रहरी बल, नेपाली सेनाको टोलीले नेपाली सीमा क्षेत्रमा राष्ट्रिय झण्डा फहराउन सफल भएका छन् ।
नदीले कटान गर्ने क्रम जारी रहेकाले सीमा पहिचान गर्न र झण्डा गाड्न सुरक्षाकर्मीहरूलाई निकै कठिनाइ भएको थियो । बाढीका कारण रसुवागढीको भौगोलिक स्वरूपमा समेत परिवर्तन आएको र जमिन भासिने जोखिम कायम छ ।
वि.सं. १९१२ सालमा तिव्वत–चीन र नेपाल बीच लडाईका क्रममा बनाइएको गढी लेन्दे खोलाको बाढीले निमिट्यान्न पारेको छ । बाढीले सीमा स्तम्भहरू बगाएको छ । बाढीले सीमा क्षेत्रको सडक र अन्य संरचनामा समेत क्षति पु¥याएको छ । बाढीले पु¥याएको क्षतिको थप विवरण संकलन गर्न सुरक्षाकर्मीहरु लागिपरेका छन् ।
