काठमाडौं– गोरखाको बूढीगण्डकी नदीमा आएको बाढीले बगाएर नदीपारि अलपत्र परेको एक कुकुरलाई २० दिनपछि सकुशल उद्धार गरिएको छ । हेलिकप्टरबाट उद्धार गर्ने प्रयास सम्भव नभएपछि कायाकिङ तथा ¥याफ्टिङ टोलीको साहसिक प्रयासबाट शुक्रबार कुकुरको उद्धार गरिएको हो ।
गत असोज २५ गते बूढीगण्डकीमा आएको बाढीले गोरखाको धार्चे गाउँपालिका–१, ठाडो भ¥याङका दयाराम कार्कीको घरमा पालिएका तीनवटा कुकुरमध्ये १ कुकुरलाई बगाएको थियो । बाढीले गर्दा बेपत्ता भएको उक्त कुकुर गत बुधबार चुमनुब्री गाउँपालिका–३, जगत र धार्चे–१ को सीमाक्षेत्रस्थित जगत बगरपारि जंगलमा फेला परेको थियो ।
सेती नामको उक्त कुकुर बूढीगण्डकीको भङ्गालो पारि फसेको थियो । एकातिर अग्लो र अप्ठ्यारो भीर तथा अर्कोतिर उर्लिरहेको बूढीगण्डकी नदीका कारण स्थानीय कुकुरसम्म पुग्न सक्ने अवस्था थिएन । लामो समयसम्म खानेकुरा नपाउँदा कुकुर भोकै थियो ।
घरधनी दयाराम कार्की र स्थानीय युवाहरूले कुकुरलाई खानेकुरा पु¥याउने प्रयास गरे । नदीको बहावका कारण सफल हुन सकेनन् । बिस्कुटसमेत नदी पारि पु¥याउन नसकिएपछि कुकुरको उद्धार चुनौतीपूर्ण बन्यो । सुरुमा हेलिकप्टरको सहायताबाट उद्धार गर्ने प्रयास गरियो ।
त्यसका लागि स्थानीय, पर्यटन व्यवसायी तथा सम्बन्धित निकायले पहल गरे । प्रतिकूल मौसम र उडान अनुमति नपाउँदा सम्भव हुन सकेन ।
त्यसपछि चुमनुब्री गाउँपालिका, मनास्लु संरक्षण क्षेत्र आयोजना, भेटेरिनरी अस्पताल तथा पशु सेवा कार्यालय गोरखा, एनिमल नेपाल र गोरखा जेसिजलगायतको समन्वय तथा सहयोगमा कायाकिङ र ¥याफिटङ टोली परिचालन गरिए ।
तीन दिनसम्मको निरन्तर प्रयासपछि धादिङको रोयल बिच क्याम्पका राम सिलवाल, अरूण थपलिया सहितको टोलीले उर्लिरहेको बूढीगण्डकी नदी पार गरेर कुकुरको उद्धार गरे । टोलीले कायाकिङको सहायताबाट सेतीलाई सुरक्षित रूपमा नदीवारि ल्याउन सफल भए ।
चुमनुब्री गाउँपालिका अध्यक्ष निमा लामाका अनुसार उद्धारका क्रममा सिमसिम पानी परिरहेको बताउँदै कठिन परिस्थितिमा नदीमा खटिएर कुकुरको ज्यान बचाउने उद्धार टोलीप्रति उनले आभार व्यक्त गरे ।
उद्धारपछि सेतीले २० दिनपछि आफ्ना घरधनी दयाराम कार्कीलाई पनि भेटेको छ । गाउँपालिका अध्यक्ष लामाले उद्धारमा संलग्न टोलीलाई खादा लगाएर सम्मान गर्नुका साथै सेतीलाई पनि खादा लगाइदिएर लामो आयुको कामना गरे ।
एनिमल नेपालले पनि उद्धारप्रति खुसी व्यक्त गर्दै यसलाई साहस, करुणा र सामूहिक प्रयासको उत्कृष्ट उदाहरण भनेको छ । दुई साताभन्दा बढी समय अलपत्र परेको सेती अन्ततः सुरक्षित रूपमा आफ्नो परिवारसँग पुनर्मिलन भएको संस्थाले जनाएको छ । यसैबीच, बाढीपछि बूढीगण्डकी पारिको जंगलमा अलपत्र परेका केही बाख्राको उद्धार भने बाँकी नै छ । ती बाख्राहरू जंगलमा चरिरहेको देखिएकाले
केही दिनपछि उद्धार गरिने गाउँपालिका अध्यक्ष लामाले बताए । किनभने बाख्राले त घाँस खाएर बाँचेको र सुरक्षित रहेकाको, तर सेतीले घाँस खान नसक्ने, माया दुवै प्राणीलाई उतिकै भएको अध्यक्ष लामाको प्रयास र व्यवहारबाट देखिएको संवेदनशीलता आसय झल्किएको थियो ।
केही दिनदेखि चुमनुब्री गाउँपालिकाका अध्यक्ष लामा बूढीगण्डकी पारिरहेका उद्धारको पर्खाईमा रहेको ती अवोध प्राणीहरु बचाउन लागि परेका थिए । उनी शुक्रबार सेतीको उद्धार गरी बचाउन सफल भए ।
सेती लामो समय भोकै रहेकाले तत्काल उद्धारलाई प्राथमिकता दिनुपरेको उनको भनाइ छ । उद्धार गरिएपछि कुकुरलाई घरधनी दयाराम कार्कीको जिम्मा लगाइएको छ ।
स्रोतः सेतोपाटी सहित अन्य सामाजिक संजालबाट आधारित
प्रतिक्रिया