काठमाडौं– इबोला भाइरसको प्रकोप विश्वव्यापी फैलन भएपछि कङ्गोबाट फर्कने नेपाली शान्ति सैनिकहरुलाई विशेष सतर्कता अपनाउन भनिएको छ । उक्त कुरा नेपाली सेनाले जनाएको छ ।
पछिल्ला समयमा कङ्गो र युगान्डामा इबोलाका सङ्क्रमणबाट धेरैको ज्यान गएको घटना देखिएपछि नेपाली सैनिकलाई पनि सतर्कता अपनाउन भनिएको पनि ती देशहरूमा नेपालीहरूको आवतजावत धेरै नभए तापनि कङ्गोमा शान्ति सेनामा नेपाली खटिएने गर्छन् ।
विश्व स्वास्थ्य सङ्गठन (डब्ल्यूएचओ)ले इबोला प्रकोपप्रति विश्वव्यापी चासो बढेको जनाउँदै हालै विश्व स्वास्थ्य सङ्कट घोषणा गरेको छ ।
यता नेपाली सेनाले ती देशबाट फर्कने सैनिकहरूमा अहिलेसम्म सुरक्षित रहेका छन् ।
कङ्गोका तीनवटा स्थानमा इतुरी प्रान्तको पेनी, बुनिया र माबिबीमध्ये बुनियामा इबोला सङ्क्रमित भएपनि नेपाली सैनिकहरूले सुरक्षा योजना पालना गरेकाले भाइरसले नछोएको बताइएको छ ।
स्वास्थ्य मन्त्रालयका पदाधिकारीहरूले पनि शान्ति मिशनमा जाने सुरक्षा निकायका अधिकारीहरूसँग सुरक्षाबारे समन्वय गरेर जानु पर्ने जनाएको छ ।
ती देशका शान्ति सेनामा जाने नेपाली सेना र सशस्त्र प्रहरी छन् । सशस्त्र प्रहरीपनि सुरक्षित रहेका छन् ।
शान्ति सेनामा गएर फर्केनेहरु सोझै सर्वसाधारण आउने हवाईजहाजमा नभई चार्टर्ड जहाजमा आउने प्रावधान छ ।
सैन्य मुख्यलयले जनाए अनुसार कङ्गोमा ९७० भन्दा बढी नेपाली शान्ति सैनिक तैनाथ छन् भने सशस्त्रको भने खुलाइएको छैन ।
मिसनबाट आएकालाई २१ दिनपछि क्वारेन्टाइनमा बसेर स्वास्थ्य समस्या नदेखिएमा मात्र घर जान अनुमति दिने बताइएको छ ।
के हो इबोला र सरकारको तयारी
इबोलाको सङ्क्रमण फैलिएका देशहरुबाट हवाईमार्गबाट नेपाल आवतजावत गर्ने यात्रुहरुको संख्या धेरै नभएको र स्थलमार्गबाट आउने सावधानी अपनाउन भनिएको स्वास्थ्य मन्त्रालयका पदाधिकारीले जनाएका छन् ।
इबोलाको लक्षण
इबोला सङ्क्रमण भएपछि ज्वरो, मांसपेशी दुख्ने, थकान हुने, टाउको दुख्ने र घाँटी दुख्ने गर्छ । त्यसपछि बान्ता हुने र पखाला लाग्ने लक्षण देखिने गरेको डब्ल्यूएचओले जनाएको छ ।
यो भाइरसको खोप वा औषधी बनेको छैन । स्वास्थ्य मन्त्रालयका पदाधिकारीहरूका अनुसार अनुसार इबोलाको अहिलेको स्ट्रेन बुन्डिबुजो भाइरसका कारणले भएको हो । त्यसका लागि कुनै स्वीकृत औषधि वा खोपहरू उपलब्ध छैनन् ।
इबोला सन् १९७६ मा कङ्गोमा पत्ता लागेको र चमेरोबाट फैलिएको मानिन्छ । कङ्गोमा यो भाइरसबाट २३ सयको ज्यान गइसकेको छ ।
प्रतिक्रिया