काठमाडौ–अमेरिकाले वेनेजुएलाका नेता निकोलस मादुरोलाई पक्राउ गर्न गोप्य सैन्य अभियान सञ्चालन गरेको थियो। लामो समयदेखि तयारी गरिएको यस अभियानलाई “अपरेशन एब्सोल्युट रिजोल्भ” नाम दिइएको थियो। अमेरिकी राष्ट्रपति ८८डोनाल्ड ट्रम्प८८को आदेशपछि आकाश, जमिन र समुद्री मार्गबाट एकैपटक काराकासमा आक्रमण गरियो।
आक्रमणका क्रममा ठूलो विस्फोट, धुवाँ र सैन्य हेलिकप्टर तथा विमानको गतिविधि देखिएको थियो, जसले वेनेजुएला र अन्तर्राष्ट्रिय समुदायलाई स्तब्ध बनायो। अमेरिकी विशेष बलले मादुरोको सुरक्षित निवासमा प्रवेश गरी उनलाई नियन्त्रणमा लियो। यस क्रममा केही झडप भए पनि ठूलो मानवीय क्षति भएको पुष्टि गरिएको छैन।
अमेरिकाले मादुरोमाथि लागूऔषध तस्करी र आतंकवादसँग सम्बन्धको आरोप लगाउँदै आएको थियो। घटनापछि वेनेजुएलाले अन्तर्राष्ट्रिय सुरक्षा परिषद्को आपत्कालीन बैठक माग गरेको छ भने यस कदमको विश्वभर आलोचना र समर्थन दुवै भएको छ।
