काठमाडौं–फ्लाई दुबईको दुबई–तेल अभिव उडान नम्बर एफजेड–१०७३ मा बुधबार भएको असाधारण घटनापछि भारतीय पाइलट क्याप्टेन स्मित मच्छार चर्चामा छन् ।
बोइङ ७३७ म्याक्स ८ विमानमा १७४ जना सवार रहेको उडानका क्रममा ककपिटमा २ पाइलटबीच भएको गम्भीर झडपपछि विमान केही समयमै १४ हजार फिट तल झर्यो ।
त्यसपछि विमानलाई साउदी अरबको तबुक विमानस्थलमा आपत्कालीन अवतरण गराइएयो । विमानमा रहेका सबै यात्रु र चालक दलका सदस्य सुरक्षित रहेको फ्लाई दुबईले जनाएको छ ।
यो घटनाको केन्द्रमा थिए रहे – भारतीय क्याप्टेन स्मित मच्छार । विमानमा सवार यात्रुहरुको ज्यान जोगाउन उनले आफ्नो ज्यान जोखिममा राखेर गरेको बहादुरीको कामको गरे । जुन अहिले चर्चा भइरहेको छ ।
टाइम्स अफ इण्डियाका अनुसार स्मित मच्छार भारत महाराष्ट्र राज्यको मुम्बईस्थित घाटकोपरका एक अनुभवी व्यावसायिक पाइलट हुन् । उनी मुम्बईमा लामो समय विमान उडानमा सक्रिय थिए । उनी सन् २०११ मा स्पाइसजेटमा प्रवेश गरेका थिए र करिब ११ वर्ष त्यहाँ काम गरेका थिए । त्यस अवधिमा उनी सिनियर क्याप्टेनको पदसम्म पुगेका थिए ।
सन् २०२० नोभेम्बरदेखि उनी लाइन ट्रेनिङ क्याप्टेनको भूमिकामा समेत थिए । सन् २०२२ जुनमा उनी फ्लाई दुबईमा डाइरेक्ट इन्ट्री क्याप्टेनका रूपमा जोडिएका थिए ।
उनको सार्वजनिक लिङ्क्डइन प्रोफाइलमा बोइङ ७३७–८०० तथा ७३७ म्याक्सका विमानमा करिब ९ हजार ७५० घण्टाको उडान अनुभव उल्लेख छ । त्यसमध्ये स्पाइसजेटमा मात्रै ६ हजार ४०० घण्टाभन्दा बढी पाइलट–इन–कमाण्डका रूपमा उडान गरेको विवरण सार्वजनिक भएको छ ।
विमानभित्र के भयो
फ्लाई दुबईको एफजेड–१०७३ जहाज दुबईबाट तेल अभिभतर्फ गइरहेको थियो । उक्त विमानमा १७४ जना थिए । उडानका क्रममा ककपिटमा रहेका क्याप्टेन मच्छार र उनका सहपाइलटबीच गम्भीर झडप भएको थियो । उपलब्ध प्रारम्भिक रिपोर्टअनुसार सहपाइलटले मच्छारमाथि धारिलो हतियारले आक्रमण गरेका थिए । घटनाको क्रममा विमानको उचाइ तीव्र गतिमा घटेको थियो । विमान १४ हजार फिट तल झरेको थियो । केही समयपछि विमानले आपत्कालीन संकेत प्रसारण गरेको थियो । उक्त विमानमा भएको घटनाको आक्रमणको उद्देश्य र ककपिटमा भएको सम्पूर्ण गतिविधिबारे अनुसन्धान जारी छ । फलाई दुबईले पनि घटनाको कारण र उद्देश्यबारे अहिले नै निष्कर्ष दिन नहुने बताएको छ । घटनामा मच्छारले गम्भीर रूपमा घाइते अवस्थामा गरेको प्रयास उलेख्य छ । आक्रमणबाट घाइते भएपछि पनि मच्छारले ककपिटको ढोका खोल्न सफल भएका थिए । त्यसपछि यात्रु र चालक दलका सदस्यहरू ककपिटभित्र प्रवेश गर्न सके र आक्रमणकारीलाई नियन्त्रणमा लिन सहयोग गरे । विमानमै रहेका फ्लाई दुबईका अन्य पाइलटहरूले त्यसपछि ककपिटको जिम्मेवारी सम्हालेका थिए । त्यसपछि सो विमानलाई इजरायलको तेलअविव नपुग्दै साउदी अरबको तबुकतर्फ डाइभर्ट गरी सुरक्षित अवतरण गराइएको थियो ।
यस घटनामा मच्छारको भूमिकालाई लिएर अन्तर्राष्ट्रिय सञ्चारमाध्यमले उनको साहस र व्यावसायिक प्रतिक्रियाको चर्चा गरेका छन् । विमान सुरक्षित अवतरण गराउने काममा यात्रु, चालक दल र विमानमै रहेका अन्य पाइलटहरूको समेत भूमिका रहेको बताइएको छ ।
आपत्कालीन अवतरणपछि मच्छारलाई तबुकस्थित अस्पतालमा शल्यक्रिया गरिएको र अवस्था स्थिर रहेको छ । फ्लाई दुबई र भारतीय अधिकारीहरू उनको परिवारसँग सम्पर्कमा रहेको बताइएको छ ।
घटनामा संलग्न सहपाइलटलाई पक्राउ गरिएको र घटनाबारे सम्बन्धित निकायले अनुसन्धान गरिरहेको छ । सहपाइलट ओमानी नागरिक भएको विवरण बताइए पनि पूर्ण विवरण र उद्देश्यबारे आधिकारिक अनुसन्धानको जारी रहेकाले निष्कर्ष आउन बाँकी छ ।
विमानमा भएको उक्त घटनापछि इण्डियन पाइलटको प्रधानमन्त्री मोदी, अमेरिकाका राष्ट्रपति ट्रम्प र इजरायलका प्रम नेतन्याहूले प्रशंसा गरेका छन् ।
स्रोतः एजेन्सीको सहयोगमा
प्रतिक्रिया