काठमाडौं–पश्चिम अफ्रिकाकी मुलुक उत्तरी नाइजरको सहारा मरुभूमिमा यात्रामा निस्किएका यात्रुहरु गाडी बिग्रिएर अलपत्र पर्दा पिउने पानी अभावमा ५० जनाको मृत्यु भएको थियो ।
उनीहरु इद पर्व मनाएर मालीबाट आफ्नो घर नाइजरको बाटो हुँदै आफ्नो देश फर्किदै थिए । यात्रुवाहक ट्रक बीच बाटोमै बिग्रिएपछि उनीहरु अत्यधिक गर्मी र पिउने पानीको अभावमा मृत्यु भएका थिए । आफूसंग भएको सीमित पानी छिट्टै सकिएपछि अवस्था झन् भयावह बन्यो ।
मरुभूमिको बीचमा उनीहरू चढेको ट्रक अचानक बिग्रियो । चालक र यात्रुहरूले धेरै दिनसम्म गाडी मर्मत गर्ने प्रयास गरे । सफल भएनन् । मरुभूमिमा तापक्रम अत्यधिक थियो । भएको खानेपानी सकिँदै गए । यात्रुहरु प्यासले तड्पिन थाले । पानी लिएर आउने र उद्धारको आशामा बसेका धेरै यात्रुहरू तिर्खा र गर्मी सहन नसकी ज्यान गएको थियो । उक्त मरुभूमिमा फसेका ५२ जना थिए । त्यसमध्ये २ जना मात्र जीवितै बच्न सफल भए । उनीहरूको उक्त घटनाको सूचनाको जानकारी दिएपछि उद्धार टोलीले दर्जनौं शव फेला पारेको र अन्य अलपत्र परेका यात्रुहरूको समेत उद्धार गरेको जनाएको छ ।
यो घटनाले गर्दा पानीको महत्व र पानी विनाको संसारलाई विश्व सामु स्तव्ध बनाइदिएको छ भने मरुभूमिको यात्रा गर्दा अपनाउनु पर्ने योजना, मौसम, सुरक्षित यातायात र आपतकालीन तयारी विना लामो यात्र नगर्न सबैलाई झक्झकयाएको छ ।
प्रतिक्रिया