इजरायल तेलअभिवमा अचानक ठूलो संख्यामा कागका समूह देखिएपछि अरिष्ठको संकेत

काठमाडौं– इजरायलको तेलअभिवको आकासमा बुधबार बिहान अचानक ठूलो संख्यामा कागका समूह देखिएपछि उक्त क्षेत्रमा अरिष्ठको संकेतको रुपमा लिएको छ ।

कागको समूह देखिएपछि त्यहाँका स्थानीयवासीले आगामी दिनमा के हुन लागेको हो भनेर विभिन्न अड्कलबाजी गर्न थालिको छ । त्यहाँका अधिकांश वासिन्दाले यसरी कागको समूह देखिनुले आगामी अशुभ घटना वा सम्भावित संकटको संकेतका रूपमा व्याख्या गरिरहेका छन् ।

त्यहाँका परम्परागत जनविश्वास अनुसार इजरायलका केही समुदायमा यसरी अचानक कागहरुको ठूलो समूह देखिनुलाई ठूलो आपत् वा युद्धअघि देखिने संकेत रुपमा लिएका छन् । तर, वैज्ञानिकहरुले यस्ता तर्क र दाबीलाई पूर्णरूपमा खारेज गरेका छन् ।

पंक्षी विज्ञहरुका अनुसार यो दृश्य कुनै असामान्य घटना होइन । गत मार्च महिनामा प्रत्येक वर्ष ठूलो संख्यामा पंक्षीहरू बसाइँसराइ गर्ने क्रममा इजरायल हुँदै आवतजावत गर्ने गरेको दावी गर्छन् । अनुमान अनुसार वार्षिक रूपमा ५० करोडभन्दा बढी पक्षीहरु यो मार्ग प्रयोग गर्छन् । विशेषज्ञहरुले जनाए अनुसार हुडेड प्रजातिका कागहरु तेल अभिभ जस्ता शहरहरुमा सामान्य रुपमा पाइने गरेको छ । प्रायः यी कागहरु ठूलो समूहमा उड्ने गर्छन् ।