काठमाडौ–अहिले बजारमा मध्यपूर्वमा भएको युद्ध कारण देखाएर खाना पकाउने ग्यासको कृतिम अभाव सिर्जना गरेर उपभोक्ता ठग्ने विक्रेतालाई कारवाही गर्न माग गरिएको छ ।
मंगलबार ग्यास विक्रेता महासंघ नेपालले बजारमा खाना पकाउने ग्यासको कृत्रिम अभाव सिर्जना गरिएको र तोकेको बजारमूल्यभन्दा बढी लिने गरेकाले कडा कारबाही गर्न सरकारसँग माग गरेको छ ।
महासंघले विज्ञप्ति जारी गर्दै बजारमा ग्यास अभाव भएको र केही ठाउँमा विक्रेताहरुले अनुचित मूल्य लिएर उपभोक्तालाई मर्कामा पारेको संचारमाध्यममा आएपछि आफ्नो गम्भीर ध्यानाकर्षण भएको जनाएको छ ।
पछिल्लो मध्यपूर्वमा देखिएको अशान्तिको वातावरणलाई देखाएर भविष्यमा ग्यास नपाइने हो भनेर अफाह फैलाएर उपभोक्तालाई चिन्तित तुल्याएको महासंघको विज्ञप्तिमा उल्लेख गरेको छ ।
महासंघले देशभरिका आमविक्रेतालाई कुनै पनि गैरकानुनी काम नगर्न र जिम्मेवार भएर सेवा प्रवाह गर्न अपिल गरेको छ ।
गैरकानुनी काम गर्ने जोकोहीलाई कारबाही हुने कुरा सबै जिल्ला संघमार्फत देशभरिका विक्रेतालाई जानकारी गराउन महासंघले निर्देशन दिएको छ ।
प्रतिक्रिया