काठमाडौं– इरानका ८६ वर्षीय सर्वोच्च नेता आयातोल्लाह अली खामेनीको मृत्यु भएको पुष्टि भएसँगै ४० दिन राष्ट्रिय शोक घोषणा गरिएको छ ।
खामेनीको मृत्युको विषयमा अमेरिकी राष्ट्रपति ट्रम्प र इजरायली प्रधानमन्त्री नेतन्याहुको संलग्नता रहेको आरोप लाग्दै आएको विभिन्न संचारमाध्यमले जनाएका छन् । खामेनीमाथि आर्थिक र सामरिक कारणहरु रहेको अमेरिका र इजरायलको थियो । सोही कारण उनी निशानामा रहेको बताइएको छ ।
इरानका सर्वोच्च नेता खामेनी मारिएको पुष्टि इरानी सरकारी टेलिभिजनमा भावुक हुँदै प्रसारण गरिएको थियँे भने उनको मृत्युमा ४० दिन शोक घोषणा गरिएको छ ।
उनी कसरी इरानको सर्वोच्च नेता बने र अमेरिका–इजरायल किन उनको पछि लागे र अन्तत उनी मारिए ।
इरानले परमाणु कार्यक्रमहरु चालू राखेको मुख्य विषय नै अमेरिका र इजरायलको टाउको दुखाई बनेको थियो । पछिल्लो समय मुख्य निशानामा इरानका सर्वोच्च नेता आयतोल्लाह अली खामेनी परे।
अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामिन नेतन्याहु इरानमा सत्तापलट गर्न चाहन्छन् । त्यसकारण शनिबार राति भएको आक्रमणपछि अमेरिकी कारबाहीमा मारिए ।
खामेनीको उत्तराधिकारीका रूपमा अली लारीजानीको नाम चर्चामा आएपनि सत्तापलट भएमा अमेरिकामा रहेका पूर्व राजा शाहका छोरा रजा पहलवीले पनि दाबी गर्ने बताइएको छ । खामेनीको मृत्युले मध्यपूर्वको राजनीतिमा ठूलो हलचल ल्याउने छ । अब इरानमा शान्तिपूर्ण राजनीतिको अवतरण हुनेमा आशंका गरिएको छ ।
इरानमाथिको आक्रमणले बैदेशिक रोजगारमा खाडीमा रहेका नेपालीहरुलाई भने समस्यामा पर्ने भएका छन् भने त्यहाँबाट इण्डिया हुँदै आउने इन्धन मंहगो हुँदा मंहगी बढ्ने बताइएको छ ।
प्रतिक्रिया