काठमाडौं– नेपाली कांग्रेसको १५ औँ राष्ट्रिय महाधिवेशन आइतबार काठमाडौंको टुडिखेलस्थित खुलामञ्चमा सुरु हुँदैछ ।कांग्रेसका प्रतिनिधिहरु संघीय राजधानी काठमाडौं आउने क्रम जारी छ ।
देशभर तथा प्रवासबाट आएका ७ हजार ५ सयभन्दा बढी महाधिवेशन प्रतिनिधिको सहभागिता रहने यो महाधिवेशन ५ दिने चल्ने छ । यसले पार्टीको नयाँ वैचारिक दिशा निर्धारण सहित नयाँ कार्यसमिति चयन गर्नेछ ।
खुलामञ्चमा आइतबार दिउँसो २ बजे कांग्रेसको १५ औँ महाधिवेशनको औपचारिक उद्घाटन हुने बताइएको छ ।
प्रतिनिधिहरूको आवास व्यवस्थापन काठमाडौंका विभिन्न होटलहरूमा र महाधिवेशन प्रतिनिधिका लागि खानाको प्रवन्ध भृकुटीमण्डपमा मिलाइएको भोजन व्यवस्थापन मिलाइएको छ । राजनीतिक दलका शिर्ष नेताहरूलाई आमन्त्रण गरिएको छ ।
त्यसैगरी इण्डिया, चीन र अमेरिकासहित विभिन्न मुलुकका पार्टी प्रतिनिधि तथा कुटनीतिज्ञहरूलाई निम्त्याइएको बताइएको छ ।
महाधिवेशनको तालिका अनुसार बन्दसत्र असोज १९ र २० गते सञ्चालन हुनेछ । बन्दसत्रमा सभापति गगनकुमार थापाले समसामयिक राजनीतिक तथा नीतिगत दस्तावेज प्रस्तुत गर्ने बताइएको छ ।
नेकाको उपसभापति, महामन्त्री तथा कोषाध्यक्षले आ–आफ्नो प्रतिवेदन पेस गर्ने कार्यक्रम छ । बन्दसत्र खुलामञ्चमै तीनवटा छुट्टाछुट्टै डोम–हलमा हुने छ ।
पत्रकारका लागि मिडिया सेन्टर र आकस्मिक स्वास्थ्य उपचारका लागि हेल्थ डेस्कको व्यवस्था गरिएको छ ।
नयाँ नेतृत्व चयनका लागि असोज १९ गते सोमबार उम्मेदवारी दर्ता तथा मनोनयन तालिका तय गरिएको छ ।
मतदान प्रक्रिया असोज २१ र २२ गतेलाई तोकिएको छ । मतदान कार्यलाई सहज बनाउन खुलामञ्च, राष्ट्रिय सभागृह र नेपाल प्रज्ञा प्रतिष्ठान गरी तीनस्थानमा मतदान केन्द्र तोकिएको निर्वाचन समितिका सदस्य सचिव राजु कटुवालले जनाएका छन् ।
१७ वटा नयाँ अभ्यास कांग्रेस महाधिवेशनमा
नेकाको १५औँ महाधिवेशनमा नेतृत्व र प्रतिनिधित्वदेखि छलफल तथा प्रचारशैलीसम्म नयाँ अभ्यास र फरकपन दिइने बताइएको छ । विशेष महाधिवेशनबाट संशोधित विधानअनुसार यो पटक युवा, महिला तथा विभिन्न समुदायको प्रतिनिधित्व बढाइएको भएको छ ।
नयाँ अभ्यासमा ः
– ३५ वर्षमुनिका युवाको सुनिश्चित प्रतिनिधित्व
– केन्द्रीय कार्यसमितिमा २१ युवा सदस्य
– कार्यसमितिमा कम्तीमा एकतिहाइ महिला प्रतिनिधित्व
– सहमहामन्त्रीको संख्या ११ पु¥याइयो
– विज्ञ तथा पेसाकर्मीका लागि ‘ल्याटरल इन्ट्री’को व्यवस्था
– विदेशस्थित जनसम्पर्क समितिबाट ६ जना केन्द्रीय सदस्य
– अपांगता भएका, अल्पसंख्यक, पिछडिएको क्षेत्र, श्रमिक तथा द्वन्द्वपीडितको प्रतिनिधित्व
– २३२ सदस्यीय केन्द्रीय कार्यसमिति
– प्यानल नबनाउने अभ्यास
– प्रदेशगत समूहमा बन्दसत्र
– हिमाल, पहाड र तराई–मधेश गरी तीन संरचनामा छलफल
– राजनीतिक तथा सांगठनिक दस्तावेज डिजिटल रूपमा उपलब्ध
– प्रतिनिधिका सुझाव तथा बहसको अभिलेख राखिने
– विद्युतीय मतदानको सट्टा परम्परागत मतदान
– प्रचारमा डिजिटल, भड्किलो प्रचारमा रोक
– उद्घाटन र बन्दसत्र एउटै स्थानमा
– विपद्का कारण खर्चिलो र भड्किलो शैलीमा नियन्त्रण,लगायतका नयाँ प्रयोग विधि गरिने नेकाले जनाएको छ ।
प्रतिक्रिया