काठमाडौै– नेपाल प्रिमियर लिग (एनपिएल) क्रिकेट अन्तर्गत तेस्रो खेलमा कर्णाली याक्सले जनकपुर बोल्ट्सलाई १९ रनले पराजित गरेको छ ।
जितका लागि १ सय ३३ रनको लक्ष्य लिएको कर्णालीले उक्त लक्ष्य जोगाउँदै प्रतियोगितामा विजयी सुरुवात गरेको हो । टस हारेर पहिले ब्याटिङ गरेको कर्णालीले निर्धारित २० ओभरमा ९ विकेट गुमाएर १ सय ३२ रनको मध्यम स्कोर खडा गरेको थियो ।
जवाफमा जनकपुर ३ बल बाँकी हुँदै १ सय १३ रनमा अलआउट भयो। जनकपुरका लागि मयन यादवले १४ रन बनाउँदा अभिषेक तिवारीले २० तथा हर्मित सिंह र मोइन अलीले १९–१९ रन बनाए ।
त्यसैगरी जेम्मी निसमले १५ रन बनाउँदा अनिल साहले ११ रन बनाए । जनकपुरलाई समेट्ने क्रममा हुसेन तलाट र युनिस ठाकुरले ३–३ विकेट लिंदा नन्दन यादवले २ तथा सोमपाल कामीले १ विकेट लिए ।
त्यसअघि पहिले ब्याटिङ गरेको कर्णालीका लागि बंगलादेशी ब्याटर अरिफुल इस्लामले ४३ रन सर्वाधिक लिए । उनी बाहेक दिपक डुम्रेले १३ रन बनाउँदा पवन सर्राफले ३७ रन बनाए । थप दोहोरो स्कोरका रुपमा गुल्सन झाले १२ रन बनाएका थिए ।
कर्णालीलाई मध्यम स्कोरमा समेट्ने क्रममा हर्मित सिंहले ३ विकेट लिंदा मोइन अली र राहुल यादवले २–२ विकेट लिए ।
साभारःएजेन्सी
प्रतिक्रिया